لتجار الانستقرام اللي يبيعون بالدايركت

متجر لصفحتك،
والطلب يوصل لشركة التوصيل وحده.

بدل الرسائل والسكرينات: الزبون يطلب من متجرك، يوصلك إشعار على تلغرام، تأكد بضغطة، والطلب ينرفع لشركة التوصيل بحسابك. تفتح متجرك بنفسك بدقائق، وإذا تحتاج نجهّزه وياك.

بعد التجربة متجرك يبقى مجاني لحد 10 طلب مؤكَّد بالشهر.

  • بلا بطاقة دفع للتجربة
  • بلا خبرة تقنية — تفتحه من موبايلك
  • ماكو رسوم على كل طلب
مثال لطلب واحد: الزبونة تطلب من المتجر، يوصلك إشعار على تلغرام وتأكده، والطلب ينرفع لشركة التوصيل وهي تتابعه برابط.

لوحة التحكم

شوف لوحتك: كل طلباتك بمكان واحد

أول ما تفتح مسار يطلعلك شنو ينتظرك، وشلون ماشي شهرك. نفس اللوحة باللابتوب وبالموبايل.

صورة توضيحية للوحة مسار: شريط علوي بالرئيسية والطلبات والمنتجات والزبائن، وقائمة «يحتاج تدخّلك» بثلاث أسطر (طلبات تنتظر تأكيدك، مخزون قليل، فلوس عند شركة التوصيل)، وثلاث بطاقات أرقام. وجنبها تلفون بقائمة الطلبات اللي تنتظر التأكيد وزر «أكّد» لكل طلب.

صورة توضيحية — الأسماء والأرقام مثال.

  • «يحتاج تدخّلك» أول شي

    طلبات تنتظر تأكيدك، مخزون يخلص، فلوس عند شركة التوصيل. تضغط السطر وتروح للمكان اللي تحلّه منه.

  • أرقامك مقارنة بالشهر الماضي

    المبيعات والطلبات المؤكَّدة ونسبة التوصيل، مقارنة بنفس الأيام من الشهر اللي قبله.

  • نفس اللوحة بموبايلك

    تأكد الطلب وإنت بالشارع. شريط تحت للطلبات والإنشاء، وتفتحها من المتصفح.

شركات التوصيل

شركتك موجودة؟

الطلب المؤكَّد ينرفع لحسابك أنت بشركة التوصيل، فتبقى المستحقات باسمك. هذي الشركات المربوطة هسه، وإذا توصّل بمندوبك، مسار يمشي وياك هم.

  • الوسيطمربوطة
  • مدن إكسبريسمربوطة
  • المجمّعمربوطة
  • برايممربوطة
  • أوصّل بنفسيبمندوبك أنت

قريباً

  • صندوق
  • هاي إكسبريس
  • أمينة
  • الزعيم
  • الأمازون
  • الخط الناقل
  • هايبر بوست
  • ساالساعي
  • فهالفهود
  • قوالقوقز
  • أرأرض الريام
  • أمالأمين
  • طرطريق السلطان
  • شرشراع بغداد
  • سمسما الذهب
  • رؤرؤى الرائد
  • برالبرق
  • برالبراق

و26 شركة ثانية بالطريق.

شركتك مو بالقائمة؟ اختار «أوصّل بنفسي» هسه، وگلنا اسمها حتى نضيفها.

ابدأ مجاناً — 14 يوم
الشركات المربوطة بمسار هسه: الوسيط، مدن إكسبريس، المجمّع، برايم، ويا خيار «أوصّل بنفسي».

شلون يشتغل

متجرك جاهز بـ6 خطوات قصيرة

تفتح متجرك بنفسك من الموبايل، وكل خطوة تكدر تغيّرها بعدين. وإذا تحتاج إيد، نجهّزه وياك.

  1. سجّل بدقيقة

    اسمك، رقم الواتساب، واسم متجرك. يوصلك كود تحقق على الواتساب ومتجرك ينفتح — بلا بطاقة دفع.

  2. جهّز متجرك

    6 خطوات قصيرة، كل وحدة تنحفظ أول بأول. تطلع وترجع تكمل من نفس المكان.

  3. حط الرابط بالبايو

    الزبون يطلب من المتجر، يوصلك إشعار على تلغرام، تأكد بضغطة، والطلب ينرفع لشركة التوصيل وحده.

ابدأ مجاناً — 14 يوم
مثال لبطاقة التجهيز بعد التسجيل: 6 خطوات بالترتيب، أول خطوتين خلصت والثالثة هي الحالية.

جهّز متجرك

كل خطوة تنحفظ أول بأول.

3 من 6
  1. اسم متجرك ورابطه — خلصتمثل ما يشوفه الزبون
  2. شكل متجرك — خلصتاخترنالك شكل — غيّره إذا تحب
  3. أول منتج — الخطوة الحاليةصورة واسم وسعر، أو منتجات تجريبية
  4. التوصيلالأجرة، وشركة التوصيل إذا عندك حساب
  5. رقم الواتسابيطلع زر واتساب بمتجرك
  6. عرّفنا بشغلكثلاث أسئلة بضغطةتكدر تتخطاها

شنو تاخذ ويا مسار

مو قائمة ميزات. هذا الشغل اللي يوقف يصير بإيدك.

الطلبات

  • كل طلب يوصلك على تلغرام، ولأكثر من موظف
  • تأكيد أو اتصال بالزبون من نفس الإشعار
  • الزبون يتابع طلبه برابط، فتقل أسئلة «وين صار طلبي»

التوصيل

  • الطلب المؤكد ينرفع لشركة التوصيل بحسابك أنت
  • بحث مناطق لكل العراق، فالعنوان يوصل صحيح
  • مستحقاتك عند شركة التوصيل واضحة بالأرقام

المتجر

  • ثيم جاهز من المعرض، بشعارك وألوانك
  • تعدّل وتشوف التغيير قبل ما تنشره
  • طلب عبر واتساب للزبون اللي يحب يحچي

الأرقام

  • منو دخل المتجر، منو حط بالسلة، ومنو طلب
  • وين يوقف الزبون قبل ما يكمل
  • مبيعاتك وأرباحك بالشهر (بباقة «محل كامل»)

اختياري · من باقة «متجري + مبيعات»

الدفع الإلكتروني، والفلوس بحسابك أنت.

زبونك يكدر يدفع بالبطاقة أو زين كاش أو FIB عن طريق ويل، والفلوس تنزل بحسابك بويل مباشرة. مسار ما يستلم ولا يمسك فلوس أي تاجر.

والطلب المدفوع مقدماً نادراً يرجع — الزبون اللي دفع ما يرفض الاستلام. يعني رواجع أقل.

العمولة بالضبط

عمولة ويل، مو عمولتنا. مسار ما ياخذ شي على الدفع.

بطاقة أو محفظة عراقية
2.5% + 600 د.ع
بطاقة من خارج العراق
3.5% + 600 د.ع

مثال: زبون دفع 25,000 د.ع ببطاقة عراقية

العمولة 1,225 د.ع ← يوصلك 23,775 د.ع

حسب أسعار ويل المعلنة بتاريخ 12 أيلول 2026. سحب الفلوس من ويل لحسابك له رسوم حسب الطريقة، نوضحها بلوحة التحكم.

الباقات

ابدأ مجاناً، وادفع لما يكبر شغلك

كل متجر يبدي بتجربة 14 يوم بكل الميزات. بعدها تبقى على المجاني بعدّاد واضح، أو تختار باقة بلا حد طلبات.

كل متجر يبدي هنا

مجاني

0 د.ع

  • أول 14 يوم تجربة كاملة — كل الميزات مفتوحة
  • بعدها 10 طلب مؤكَّد بالشهر، والعدّاد قدامك بلوحتك
  • ماكو محفظة نقاط ولا شي ينخصم من كل طلب

شلون يبين العدّاد بلوحتك

الطلبات المؤكَّدة هالشهر7 من 10

مثال. الطلب الزايد ما يضيع — ينحفظ لحد ما ترقّي.

مفتوح بالمجاني

  • متجرك برابطك وشكلك
  • الطلبات على تلغرام
  • ربط شركة التوصيل

بالباقات المدفوعة

  • رسائل الواتساب للزبائن
  • رمز تحقق الزبون (OTP)
  • القراءة الذكية للرسائل المعقّدة

متجري

لصفحة تبيع بالدايركت وتشحن ويا شركة توصيل

150,000 د.ع / 3 أشهر

يعني 50,000 د.ع بالشهر · بلا حد طلبات

زبونك يطلب بنفسه، والطلب يروح لشركة التوصيل وحده

  • متجر برابطك واسمك وشكلك — تغيّره وقت ما تريد من الستوديو
  • الزبون يطلب من المتجر بلا ما يراسلك
  • كل طلب يوصلك بتلغرام، وتأكده أو ترفضه بضغطة
  • الطلب المؤكد ينرفع لحسابك بشركة التوصيل أوتوماتيك
  • منتجاتك وباقاتك ومخزونك بمكان واحد

متجري + مبيعات

لصفحة عندها طلبات كل يوم وتريد تزيدها

250,000 د.ع / 3 أشهر

يعني 83,333 د.ع بالشهر · بلا حد طلبات

تستلم فلوسك مقدماً، وتبيع أكثر لنفس الزوار

  • كل شي بباقة «متجري»
  • دفع إلكتروني لزبائنك — فلوسك بحسابك قبل التوصيل ورواجع أقل
  • كوبونات خصم بأكواد وحدود استعمال
  • عجلة حظ تحوّل المتردد لطلب
  • رحلة الزبون: منو دخل، منو وصل للسلة، ووين وقف

محل كامل

لمحل عنده مخزون وحسابات وموظفين

450,000 د.ع / 3 أشهر

يعني 150,000 د.ع بالشهر · بلا حد طلبات

تدير محلك كله من مسار، مو متجرك بس

  • كل شي بباقة «متجري + مبيعات»
  • بيع مباشر بالمحل وفواتير، ويا مخزون واحد ويا المتجر
  • حسابات بقيد مزدوج: مشتريات، مصاريف، خزينة، وتقرير أرباح
  • تسويات شركة التوصيل: شكد حصّلت وشكد باقي إلك
  • موظفون يدخلون بأرقامهم ويشوفون الشغل اليومي بس
  • دومينك الخاص باسمك

الأسعار بالدينار لكل 3 أشهر، تدفعها برابط ويل أو كاش. ماكو تجديد تلقائي من بطاقتك، وكل باقة تبدي بنفس التجربة المجانية.

جرّب قبل ما تدفع

أول 14 يوم ببلاش وبكل الميزات. وإذا اشتركت وما عجبك مسار خلال أول شهر مدفوع، نرجعلك المبلغ كامل.

بياناتك ملكك

منتجاتك وطلباتك وزبائنك تنزلها ملف بأي وقت. ما نحبسك عندنا.

ما نطفي متجرك فجأة

إذا تأخر الاشتراك، عندك 7 أيام والمتجر شغّال. ولو توقف، لوحتك وبياناتك ما تنمس.

أسئلة

أسئلة تنسأل كثير

ما لكيت جوابك؟ راسلنا على الواتساب

لازم أعرف برمجة أو تصميم؟

لا. تسجّل وتضيف منتجاتك بنفسك بخطوات قصيرة، وكل خطوة تكدر تتخطاها وترجعلها. وإذا تحتاج، راسلنا ونجهّزه وياك.

شنو يصير بعد 14 يوم؟

متجرك يبقى شغّال على المجاني: 10 طلب مؤكَّد بالشهر، والعدّاد قدامك بلوحتك. إذا وصلت الحد، الطلب الجديد ما يضيع — ينحفظ وينتظرك لحد ما ترقّي.

أكو رسوم على كل طلب؟

لا. ماكو محفظة نقاط ولا عمولة على طلباتك. المجاني ببلاش، والمدفوع سعره ثابت بلا حد طلبات. العمولة الوحيدة هي عمولة ويل على الدفع الإلكتروني، إذا شغّلته.

أحتاج حساب بشركة توصيل؟

إي. مسار يرفع الطلبات على حسابك أنت بشركة التوصيل، فتبقى فلوس التوصيل والمستحقات باسمك.

الدفع الإلكتروني إجباري؟

لا. تكدر تبقى على الدفع عند الاستلام بس. الدفع الإلكتروني تشغّله إذا تريد، ويحتاج حساب بويل باسمك.

فلوس الدفع الإلكتروني وين تنزل؟

بحسابك بويل مباشرة. مسار ما يستلم ولا يمسك فلوس أي تاجر.

شنو يصير إذا زبون دفع والطلب رجع؟

ترجعله المبلغ خلال 72 ساعة من حسابك بويل. إذا الرجوع بسبب الزبون (ما رد أو رفض)، تخصم أجرة التوصيل. مسار يذكّرك ويأشّر الطلب لحد ما تسدده.

أكدر أربط دومين خاص بيّه؟

إي، بباقة «محل كامل». بالباقات الثانية متجرك يكون على اسمك.masar.dabta.app.

جرّب مسار 14 يوم ببلاش.

تفتح متجرك بنفسك بدقائق. وإذا تحتاج إيد، راسلنا على الواتساب ونجهّزه وياك من أول منتج.